Huawei kompaniýasy ýakynda nähilidir bir täze önümleriň anonsyna bagyşlanylan press-konferensiýasyny geçirjekdigi barada aýdylýan resmi bildirişini neşir etdi.
Bu çäre Mobile World Congress 2020 sergisiniň ýatyrylmagyna sebäp bolan Hytaýdaky koronawirus ýaýrawy zerarly onlaýn press-konferensiýa formatynda geçiriler. Huawei çäräniň formatyny onuň real wagtda iňlis dilinde görkeziljekdigine wada bermek bilen üýtgetdi.
Bildiriş bilen bagly suratda Huaweiň geçen ýylyň tomsunda hödürlän “1+8+N” konsepsiýasy barada ýatlanylýar. “1” kategoriýasyna smartfonlar degişli ediler, “8” kategoriýa kompýuterler, planşetler, telewizorlar, kolonkalar, nauşnikler, äýnekler, “akylly” sagatlar we awtomobiller girizildi. “N” belgisiniň astynda mobil edaralar, “akylly” öýler, sport, saglyk, audiowizual güýmenjeler we intellektual syýahatçylyk önümleri ýerleşdirilen.
Bu diýildigi metbugat maslahatynda dürli harytlaryň hödürleniljekdigini aňladýar. Ýöne Huaweiň bu çärede Huawei P40 we P40 Pro smartfonlaryny görkezjekdigi näbelli, çünki öň kompaniýa olary mart aýynyň ahyrynda hödürlejekdigini aýtdy.
Huawei garaşylmadyk sowgat taýýarlaýar
- 21.02.2020 21:46
- 4.5k+
