LG kompaniýasy birbada üç sany täze smartfony hödürledi

LG smartfonlar lineýkasyna birbada üç sany täze model goşuldy: LG K61, LG K51S we LG K41S. Täze smartfonlaryň üçüsi hem elýeterli smartfonlaryň kategoriýasyna degişli bolup, olar 6,5-dýuýmly displeý, kwadrokamera we 4000 mA/sag sygymly batareýa bilen üpjün edilýär.
LG K61 lineýkada iň kuwwatly model boldy. Ol FHD+ ygtyýarly we taraplary 19,5:9 gatnaşykly 6,5 dýuýmly displeý bilen üpjün edilen. Displeýde 16 Mp datçikli frontal kamera ýerleşdirilen. Smartfonuň içinde 23 GGs takt ýygylykly prosessor, 4 GB operatiw ýat we 64/128 GB fleş-ýady oturdylýar. Esasy kamera şulary özünde jemleýär: 48 Mp esasy datçik, 8 Mp datçik, 5 Mp megapiksel datçik we 2 Mp makrodatçik.
LG K51S hem 6,5 dýuýmly displeýe eýe boldy, ýöne ol HD+ ygtyýarly. Telefonuň içinde 2,3 GGs ýygylykly çipset, 3 GB operatiw ýat we 64 GB fleş-ýat ýerleşýär. Esasy kamera 32, 5, 2 we 2 Mp datçikli dört sany moduldan ybarat. Frontal kamera 13 Mp eýe. K61S ýaly bu model hem Bluetooth 5.0, NFC, Google Assistant sistemalaryna, USB-C portuna, audiobölege we DTS: X 3D Surround Sound-a eýe boldy.
LG K41S HD+ ygtyýarly taraplary 20:9 gatnaşykly, 6,5 dýuýmly displeýe eýe boldy. Ady atlandyrylmadyk prosessor 2,0 GGs ýygylykda işleýär, ol 3 GB operatiw ýat we 32 GB fleş-ýat bilen üpjün edildi. Esasy kameranyň baş datçigi 13 Mp, galan modullar LG K51 S smartfonuňky bilen meňzeş. Selfi-kamera 8 Mp.
LG heniz täze smartfonlaryň bahasyny mälim edenok. Kompaniýa diňe olaryň 2020-nji ýylyň ikinji ýarymynda satuwa çykjakdygyny habar berdi.