Hytaý «Arbidoly» koronawirusa garşy derman diýip ykrar etdi

Hytaýda “Arbidoly” koronawirusa garşy derman diýip resmi taýdan ykrar etdiler. Wirusa garşy derman keseli anyklaýşyň we öňüni alşyň deslapky meýilnamasynyň altynjy wersiýasyna girizildi, bu barada saglygy goraýşyň milli komissiýasynyň saýtynda aýdylýar. Ozalky bäşinji wersiýa 5-nji fewraldan bäri hereket etdi diýip, vedomosti.ru habar berýär.
“Arbidol” dermanyndan başga-da, meýilnamanyň täze wersiýasynda testden geçirme üçin birnäçe serişdeler görkezilen: hlorohinfosfat we interferen bilen birleşen ribawirin, şeýle-de lopinawirom ýa-da ritonawirom. Wirusa garşy serişdeler meýilnama ilkinji gezek girizilýär. Öňki wersiýalarda koronawirusa garşy tassyklanan netijeli serişdäniň heniz ýokdugy barada aýdylýardy.
“Arbidol” durmuşy taýdan möhüm we esasy derman serişdeleriniň rus sanawyna girýär. DSM Group agentliginiň maglumatlaryna görä, ol Russiýada wirusa garşy iň meşhur serişdeleriň hataryna girvqr. “Arbidolyň” koronawirusa garşy netijeli bolmagynyň mümkindigi barada ilkinji bolup HHR-niň saglygy goraýşyň Milli komissiýasynyň maslahatçysy, epidemiolog Li Lanszýuan habar berdi. Onuň berýän maglumatlaryna görä, başlangyç testler bu serişdäniň wirusyň ösmegine garşy netijeli durup biljekdigini görkezdi. Muňa garamazdan, “Arbidolyň” koronawirusa garşy netijeliliginiň resmi taýdan tassyklanmasy heniz ýok.
Täze koronawirus bilen kesellänleri bejermek üçin öň SARS-CoV we MERS-CoV wiruslarynyň ýaýrawynda peýdalanylan serişdeler ribawirin, lopinawir+ritonawir we interferon serişdeleri ulanylýar.