Pekinde lukmançylyk maskalarynyň önümçiligi boýunça täze kärhana peýda bolar. Şeýle karar olaryň ýetmezçiligine garşy göreş çäresiniň çäklerinde kabul edildi. Önümçiligi 6 günden işe girizmegi meýilleşdirýärler.
Hytaý hökümeti Pekinde lukmançylyk maskalaryny taýýarlamak boýunça täze karhanany gurmakçy bolýar. Şeýle etmek bilen HHR-de olaryň ýetmezçiligine garşy göreşmegi göz öňünde tutýarlar. Bu barada “Sinhua” informasion agentligine salgylanmak bilen versia.ru habar berýär.
Kompaniýanyň işgärleriniň gurluşykçylaryň beden temperaturasyny täze koronawirusyň alamatlarynyň ýüze çykmak ähtimallygy bilen her hepdede ölçenilip duruljakdygy bellenilýär.
China Construction First Group kompaniýasy önümçiligi alty günüň içinde açmagy meýilleşdirýär. Kärhana her günde 250 müň maskany çykarar diýlip çaklanylýar.
Geçen aýyň ahyrynda koronawirusyň ýaýramagy zerarly maska ýetmezçiligi barada habar berildi. Şonda olary Amazon we Alibaba platformalarynda satýan satyjylar harytlarynyň gutaryp barýandygyny habar berdiler. Dükanlaryň ençemesi maskalary birbada ikiden ona çenli göwrümde almagy hödürlemek bilen, maskalary bölekleýin satmagyny bes etdiler.
Ýaňy-ýakynda, HHR-iň Türkmenistandan bir million lukmançylyk maskalaryny satyn alandygy habar berildi. Indiwidual gorag serişdeleriniň umumy bahasynyň iki ýüz müň dollara barabar bolandygy bellenildi. Maska Türkmenistanyň kärhanalarynda öndürildi.
Hytaýda lukmançylyk maskalarynyň önümçiligi boýunça kärhana gurarlar
- 18.02.2020 21:49
- 4.4k+
