Hytaý Halk Respublikasy Türkmenistandan umumy bahasy 200 müň amerikan dollaryna barabar bolan 1 million sany lukmançylyk gorag maskalaryny satyn aldy. Bu barada şenbe güni ORIENT Türkmenistanyň Döwlet haryt-çig mal biržasyna salgylanyp habar berýär.
Üç gatly bir gezeklik (fiksatorly) maskalar Türkmenistanyň Saglygy goraýyş we derman senagaty ministrliginiň kärhanalarynda öndürildi.
Mundan öň, daşary ýurt habar beriş serişdeleri COVID19 zerarly ýüze çykan pnewmoniýa ýaýrawy sebäpli Hytaýda gorag maskalarynyň ýetmezçiliginiň bardygyny habar beripdi. HHR-iň saglygy goraýyş meseleleri boýunça döwlet geňeşiniň berýän maglumatlaryna laýyklykda, Hytaýda COVID19 ýokanjy bilen kesellänleriň sany 66 49 ýetip, olaryň 1523-si aradan çykdy. 8096 sanysy keselden saplanyp, hassahanadan çykaryldy.
Belläp geçsek, Türkmenistanda COVID19 hiç hili hasaba alynmady.
Hytaý Türkmenistandan 1 million sany lukmançylyk maskalaryny satyn aldy
- 15.02.2020 23:02
- 11k+
