Xiaomi Mi 10 Pro ilkinji gezek ak reňkde görkeziler

Öň, kompaniýa smartfonuň ak reňklisini görkezmändi. Mundan öň, Xiaomi Mi 10 we Xiaomi Mi 10 Pro smartfonlary üç reňkli wariantda (ýaşyl, gök we şetdaly reňkde) görkezildi. Smartfonlar gara we gara-çal reňklerde hem elýeterli. Xiaomi kompaniýasynyň wise-prezidenti Çang Çeng birnäçe gün mundan öň Xiaomi Mi 10 we Xiaomi Mi 10 Pro smartfonlarynyň ak reňkde hem elýeterli boljakdygyny habar berdi. Indi bolsa Xiaomi Mi 10 Pro-nyň nähili görnüşdedigini belläp geçeliň. Ol arassa ak görnüşde bolman, sähel gülgüne öwüşgünli. Bu barada ixbt.com web-saýty habar berýär.
Xiaomi Mi 10 smartfonunyň selfi-kamerasynyň ýerleşýän ýeriniň diametri 1,74 mm barabar. Bu şeýle gurluşly smartfonlaryň frontal kamerasynyň ýerleşýän ýeriniň diametrinden, takmynan, iki esse kiçi.
Xiaomi Mi 10 üç esse çalt zarýadlanma eýe boldy. Onuň zarýad geçirijisiniň kuwwatlylygy 50 Wt-a barabar, ol smartfony 45 minudyň içinde zarýadlandyrmaga mümkinçilik berýär. Simsiz ýol bilen ol 30 Wt maksimal kuwwatlykda zarýadlanar. Mundan başga-da, ol 10 Wt kuwwatlykda beýleki mobil gurluşlary hem simsiz usulda zarýadlandyryp bilýär. Smartfonuň akkumulýatorynyň sygymy 4500 mA/sag deň.
Smartfon suratlary täzeleme ýygylygy 90 Gs, sensordaky sorag etmäniň ýygylygy 180 Gs bolan ekrana eýe boldy. Ol HDR10+ dinamiki diapazona hem eýe.
Şeýle-de, Mi 10-da (şeýle hem Mi 10 Pro-da) köp režimli NFC adapteri, stereofonik sesli gürleşijili ýokary hilli audiotrakt, IK-şöhlelendiriji, iki diapazonly GPS kabul ediji, kuwwatly wibromotor bolar. Suwdan goraglylygyň bardygyny hem bellemek bolýar, ýöne sada wariantynda P2i örtügi görnüşinde.