«Rysgal» PTB «Rysgal Pay» elektron gapjyk hyzmatyny hödürleýär

«Rysgal» paýdarlar täjirçilik banky müşderilerine täze hyzmaty — «Rysgal Pay» elektron mobil gapjyk hyzmatyny hödürleýär. Bu barada Arzuw News habar berýär.
Elektron gapjyk – mobil enjamynda gurnalýan programma bolup, ulanyja elektron puly saklamaga we olaryň kömegi arkaly internetde nagt däl hasaplaşyklary amala aşyrmaga ýol berýär. Elektron gapjyk aslyýetinde bank hasabyna meňzeşdir.
«Rysgal Pay» elektron mobil gapjygynyň ýa-da «Qrcode» töleg ulgamynyň bar bolan ähli ýerlerinde hasaplary diňe mobil telefonyny ulanmak arkaly ýekeje hereket etmek bilen tölemek mümkin. Bu hili tölegleriň bank kartlary arkaly däp bolan töleglerden artykmaçlygy — munda her gezek kart belgilerini we CVC kod ýazmak zerurlygy aradan aýrylýar.
Gapjygy dolduryp bolar:
• öňünden tölegiň ýörite kartoçkasyny satyn almak arkaly;
• internet-bankdan peýdalanmak arkaly;
• bankomat arkaly;
• bank pul geçirimini amala aşyrmak arkaly;
• töleg terminalyny ulanmak arkaly.
Mobil gapjygy degişli programmasy arkaly açyp bolýar. Bu hyzmat barada goşmaça maglumaty «Rysgal» PTB-niň resmi saýtyndan alyp bilersiňiz.