Airbus awiagurluşyk kompaniýasy Singapurdaky salonda geljegiň innowasion laýneriniň modeli bilen tanyşdyrdy, rg.ru saýty habar berýär.
MAVERIC (Model Aircraft for Validation and Experimentation of Robust Innovative Controls) adyny alan prototipi fantastik görnüşe eýe. Ol insiz uzyn göwrümli – fýuzelýažly we uzyn ganatly döwrebap uçarlara meňzeş däl.
Bu modeliň uzynlygy iki metre, ganatlarynyň gerimi 3,2 metre barabar, bu barada kompaniýa habar berýär.
Innowasiýanyň esasy awialaýneriň birsydyrgyn akymlaryň hasabyna ganatyň üçburç konsollaryna geçip gidýän fýuzelýaža eýe bolan “garyşyk ganat” – “uçujy ganatlaryň” üýtgeşik görnüşi – aerodinamik shemasy boýunça döredilmeginden ybarat.
Şeýle konstruksiýa häzirki insiz fýuzelýažly uçarlar bilen deňeşdirilende benzin sarp edijiligini 20%-e çenli azaltmaga mümkinçilik berer. Mundan başga-da, klassyky aerodinamiki shemalaryň uçujy apparatlary bilen deňeşdirilende, ýük göterijilik hem 15 göterim ýokarlanar.
Düzüjileriň aýtmagyna görä, täze model uçarlaryň arhitekturasyny üýtgetmekde esasy roly oýnar. Uçujy apparatyň konfigurasiýasy dolandyryşyň amatly innowasion serişdelerinden ybarat bolan kabinany we täze ýolagçy salonyny göz öňünde tutýar. Ol has uly, giň, rahat bolar.
Illýuminatorlaryň nirede ýerleşdiriljekdigi näbelli. Olar wideoekranlar bilen hem çalşyrylyp bilner.
Maveric 2017-nji ýylda işe girizildi, geçen ýylyň iýun aýynda ilkinji gezek asmana galdy. Häzir ol tomusda tamamlanmagy göz öňünde tutulýan uçuş synaglaryny geçýär.
Airbus geljegiň ýolagçy uçarynyň modelini görkezdi
- 12.02.2020 22:21
- 5.2k+
