Twitter jemgyýetçilik torunda Xiaomi Mi 10-yň ekranynyň esasy häsiýetleri sanalyp geçilýän resmi poster neşir edildi.
Suratlary täzeleme ýygylygy 90 Gs-e, sensor gatlagyndaky sorag etme ýygylygy 180 Gs-e barabar. Bu smartfonuň tizligine örän oňaýly täsir edýär, esasanam, oýun wagtynda şeýle. iPhone flagman smartfonlary sensor gatlagyndaky sorag etmäniň 120 Gs ýygylygyna eýe. Mundan başga-da, HDR10+ dinamiki diapazona eýedigi hem habar berildi.
Ekran AMOLED tehnologiýasy boýunça ýerine ýetirilen, ony öndüriji bolup Samsung kompaniýasy çykyş edýär. Xiaomi smartfonuň frontal kamerasynyň ýerleşdirilýän ýeriniň bazarda şular ýaly ýerleriň iň kiçileriniň biridigini aýdýar. Displeýiň iň ýokary ýagtylygy 1120 kd/m2-a barabar. Kontrastlygy 5000000:1-e deň. Displeý onuň ulanyjylaryň gözi üçin amatlydygyny görkezýän “TUV Rheinland” halkara birleşiginiň şahadatnamasyna eýe boldy. Şeýle-de, ýagtylygyň ýokary derejede anyklygyny belläp geçmeli (JNCD<0.55), iPhone 11 Pro Max-da bu görkeziji JNCD<0.9-a deň.
Xiaomi kompaniýasynyň özi Xiaomi Mi 10-yň displeýini “arzuwdaky ekran” diýip atlandyrýar.
Xiaomi Mi 10 “arzuwdaky ekrana” eýe boldy
- 12.02.2020 21:58
- 6.9k+
