Türkmenistanyň Prezidenti Aşgabatda we welaýatlarda IP merkezlerini gurmagyň taslamalaryny taýýarlamak işini goldamak üçin 10 million amerikan dollary möçberinde serişde berdi. Bu barada Ministrler Kabinetiniň 2019-njy ýylyň jemlerine bagyşlanyp geçirilen mejlisinde bellenildi.
Mejlisiň barşynda Gurbanguly Berdimuhamedow Ministrler Kabinetiniň Başlygynyň orunbasary B.Öwezowy ulag we kommunikasiýa toplumynyň ýolbaşçysy wezipesine belläp, onuň bu ugurdan tejribeli hünärmendigini aýtdy.
Belläp geçsek, ýurdumyzyň ykdysadyýetine sanly ulgamy ornaşdyrmak boýunça uly işler geçirilýär. Bu wezipäni üstünlikli amala aşyrmak üçin, senagat toplumy ulag we aragatnaşyk toplumyndan aýryldy. Şunuň bilen baglylykda, wise-premýerleriň gözegçilik edýän ulag we kommunikasiýa toplumy hem-de gurluşyk we senagat toplumy döredildi.
Döwlet Baştutany şeýle hem B.Öwezowa wise-premýer P.Agamyradow bilen bilelikde, Döwlet gullugy akademiýasynda ähli derejedäki ýolbaşçylar üçin sanly ulgamy öwretmek boýunça ýörite okuwlara başlamagy hem-de ýurdumyzyň ýokary we orta hünär okuw mekdeplerinde mugallymlaryň taýýarlanylyşyny güýçlendirmegi tabşyrdy.
Türkmenistanda IP merkezlerini döretmek üçin 10 mln dollar serişde goýberildi
- 10.02.2020 21:51
- 5.9k+
