LG Electronics kompaniýasy ABŞ-nyň USPTO haryt markasy boýunça Edarasynda maýyşgak süýşürilýän ekranly smartfon-kitapçasyny patentledi. Eplenilen görnüşde displeý gurluşyň frontal kamerasyny, gapdal tarapyny we yzky böleginiň 50%-ni gurşap alýar.
Mobile Terminal resminamasynda kitapça görnüşinde döredilen LG gajeti suratlandyrylýar. Smartfonuň arka tarapynda kamera, barmagyň yzyny skanerleýji we beýleki datçikler ýerleşdirilen. Ýazylan ýagdaýda displeý diňe bir gönelmek bilen çäklenmeýär, eýsem, ony bir gapdala tarap süýşürip hem bolýar, şonda ol gurluşyň yzky bölegini ýapýar. Wideo görmek üçin gajet belli bir burçdan açylýar, şeýle ýagdaýda wirtual pleýeriň işine gözegçilik serişdesi peýda bolýar.
Smartfon-kitapçanyň diňe kagyz ýüzünde hereket edýändigi bellidir. LG kompaniýasy heniz täze mobil gurluşyny döretmek işine başlamady. Olaryň şeýle gajetleriň önümçiligine haçan başlamagy meýilleşdirýändikleri barada habar berlenok. Ýöne ekspertler tarapyndan oýlanylyp tapylan önümleriň ählisiniň satuwa çykmaýandygyny hem belläp geçmeli. Käbir taslamalar çykarylmasynda ýetmezçiligi sebäpli saklanylýar.
LG maýyşgak süýşürilýän ekranly smartfon-kitapçasyny patentledi
- 06.02.2020 16:38
- 2.5k+
