Alymlar: sogan ýokary gan basyşda kömek eder

Nahar üçin düzüminde flawonoid kwersetin saklaýan önümleri ulanmak ýokary gan basyşyny düýpli peseltmäge kömek edip biler.
Gürrüň, ilki bilen, gök önümler we miweler barada gidýär. Bu barada «FaceNews.ua» saýty habar berýär.
Hytaý alymlarynyň bellemegine görä, miweleriň we gök önümleriň gan basyşy peseldýändigini doly tassyklamak bolýar. Çünki olaryň düzüminde flawonoid kwersetin saklanýar.
Esasanam, ol soganda köp. Flawonoid kwersetiniň häsiýetlerini öwrenmek maksady bilen ozal geçirilen barlaglar onuň garrama prosesini togtatmaga täsirini ýetirýändigini, immun ulgamyny berkidýändigini, şeýle-de ýagyň işjeň ýakylmagyna ýardam berýändigini görkezdi.
Belläp geçsek, Garward uniwersitetiniň alymlary birnäçe eksperimentlerden soň otrisatel rezusly AB (IV) gan toparly adamlarda düýpli kesellemek howpunyň ýokarydygy baradaky netijä geldiler. Barlaglara laýyklykda, şeýle gan toparly adamlarda, beýlekilere garanda, ýatkeşligi hem-de pikirlenmegi bilen bagly meseleler köp ýüze çykýar. Olar insultdan we demensiýadan ejir çekýärler, şeýle-de bu adamlarda huşsuzlygyň güýçlenmek howpy 82%-den hem ýokary.