Öň Microsoft iki sany bölek ekranyň bir sany maýyşgak ekrana garanda, has ygtybarly hasaplaýandygyny habar beripdi. Ýöne täze patent boýunça bu ägirt kompaniýa heniz hem uly eplenilýän displeýli gurluşy döretmek boýunça meýilnamalaryny çykarmagyny dowam etdirýär.
Patent 2020-nji ýylyň ýanwar aýynyň ahyrynda resmi taýdan bellige alyndy. Samsung Galaxy Fold we Huawei Mate X-den tapawutlylykda, bu gajet taraplary 16:9 gatnaşykda ýa-da şol töweregi bolan uzaldylan forma eýe bolar.
Gynansak-da, patentde täze taýýarlanylýan önümiň ady we ölçegi aýan edilenok, diňe «şarnirli birikdirme» barada habar berilýär. Şeýlelik bilen, bu Motorola Razr 2019 we Samsung kompaniýasynyň geljekki Galaxy Z Flip smartfonlarynyň stilinde eplenilýän-smartfon hem, şeýle-de uly planşet hem bolup biler, planşedi rahat götermek üçin eplemek hem bolar.
Belläp geçsek, Microsoft geçen ýylyň oktýabr aýynda Surface Neo we Surface Duo eplenilýän gurluşlaryny anons etdi, iki gajet hem biri-biri bilen şarnir arkaly birikdirilen iki ekran bilen üpjün edilen.
Microsoft uly maýyşgak displeýli gurluşy işläp taýýarlaýar
- 03.02.2020 06:06
- 2.2k+
