Nemes kardiologlary infarktyň alamatlaryny aýtdylar

Germaniýanyň kardiologlary ýürek bilen bagly meseleleriň bardygyny görkezýän we ýürek urgy howpy barada duýdurýan alamatlary sanap geçdiler. Hünärmenleriň aýdan zatlaryny «Focus» nemes neşiri getirýär.
Ekstrasistoliýa – aritmiýanyň bir görnüşi – günüň dowamynda birnäçe gezek gaýtalanyp, 30 sekunddan köp dowam edýän ýagdaýynda, lukmana ýüz tutmaly.
Başaýlanma wagtynda ýüze çykýan aritmiýa-da, kükregiň töwereginde agyry we ýakyp barma, şeýle-de, demgysma düýpli signallar bolup hyzmat edýär. Hiç hili sebäpsiz, meselem, fiziki işjeňlik bolmadyk ýagdaýynda puls çalt urup başlasa, lukmanyň gözegçiligine ýazylmaly.
Mundan başga-da, ýürek bilen bagly meseläniň bardygyny aýagyňda agyrynyň bolmagy hem görkezip bilýär. Ýörän wagtyňda baldyrda ýüze çykýan we saklananyňdan soň gowşaýan agyry duýgulary aýaklaryň damarlarynda aterosklerozyň bolmagynyň alamatydyr. Keseligine ýatan wagtyňda aýagyň barmaklarynyň töwereginde ýüze çykýan we ýeriňden galanyňdan soň aýrylýan agyra hem üns bermek gerek.
Grip bilen kesellän adamlar hem howp astynda bolup bilýär. Eger adam sagalandan soň hem öňküsi ýaly ysgynsyzlygy duýýan bolsa we adaty ýaşaýyş-durmuşyna dolanyp bilmeýän bolsa, onda bu ýüregiň ortaky myşsa gatlagynyň sowuklamasy – miokardit barada habar berýär.
Dekabrda alymlar çili burçunyň yzygiderli kabul edilmeginiň ýürek-damar kesellerinden ýogalmak howpuny peseldýändigi baradaky netijä geldiler.