Eliň hereketi bilen telewizory dolandyrmaga mümkinçilik berýän kiçi Glamos gutusy döredildi.
Gajet ykjam korpusly kiçijik lidardan ybarat — ol bir metr radiusda «duýgur zolagy» döredýär. Şu zolakda eliňi galgatmak arkaly telewizory, kompýuteri ýa-da beýleki islendik gajetleri dolandyrmak bolýar.
Gajetleri dolandyrmak üçin elleriňi hereketlendirmek gerek — bu noutbukdaky sensor panelini dolandyranyň ýaly. Meselem, eliňi ýokary ýa-da aşak galgatmak bilen menýudaky punktlara geçirmek bolýar, barmagyňy howada basmak bolsa tassyklama görnüşinde işleýär. Şol bir wagtda iki eliň bilen ýa-da barmaklaryň bilen aýratynlykda işlemek hem bolýar.
Glamos oýunlara hem hereketler arkaly dolandyrmany girizmekçi bolýar. Meselem, Fruit Ninja oýnunda miweleri smartfonuň ekranynda barmaklaryňy ýöretmek bilen däl-de, telewizoryň öňünde eliňi hereketlendirmek bilen kesmek mümkin bolar.
Aslynda, Glamos wideooýunlara niýetlenilen Xbox konsolynyň Kinect datçigine has amatly alternatiwa bolar.
Glamos: täze gajet howada taçpady amala aşyrmaga mümkinçilik berer
- 01.02.2020 22:47
- 2.9k+
