Germaniýanyň inženerleri guşagynda goşmaça ekran ýerleşdirilen «akylly» sagatlaryň işleýän prototipini taýýarladylar. Şeýle usul bilen ony işläp düzüjiler interfeýs giňişligini giňeltmek isleýärler.
Aslynda, inženerler smart-sagatlaryň uly göwrümli informasiýalary ýerleşdirip bolmaýan kiçi ölçegli displeýler bilen bagly meselesini çözmäge girişdiler. Eger şeýle ekran sensorly bolsa, onda ondan peýdalanmak ýeterlik derejede amatly hem däl.
Drezden tehniki uniwersitetiň inženerleriniň prototipi üçin esas bolup Samsung sagatlary hyzmat etdi. Olar bu sagatlardan adaty guşagy aýryp, onuň deregine özleriniň döreden elektron syýadaky ýa-da OLED-matrisadaky ekranly guşaklaryny dakdylar.
Şeýle-de, ony taslanlar sagatlary daşky kompýuter arkaly dolandyrar ýaly Arduino-mikrokontrolleri ulandylar. Inženerler prototipi meýletinçilere görkezdiler, meýletinçiler konsepsiýadan ýeňillik bilen baş çykardylar. Ýöne olar görejiňi hemişe ekranlaryň arasynda eýläk-beýläk gezdirmegiň ulanyşy biraz gowşadýandygyny bellediler.
Inženerler guşagy goşmaça ekranly «akylly» sagat döretdiler
- 29.01.2020 23:06
- 4.3k+
