Türkmenistanyň çägine koronawirusyň getirilmeginiň öňüni almak maksady bilen ýurduň hökümeti türkmen raýatlaryna Hytaý Halk Respublikasyna gitmekden saklanmagy maslahat berýär. HHR gitmekden saklanmaklyk, heniz ýokanç keseliň ýaýramagy bilen bagly dartgynlyk tamamlanýança maslahat berilýär, diýip ORIENT agentligi habar berýär.
Türkmenistanda koronawirus zerarly dörän pnewmoniýa keseli bilen bagly ýagdaýlar ýüze çykarylmady. «Türkmenhowaýollary» agentligi her hepdede iki gezek Hytaýa howa gatnawyny amala aşyrýar.
Öň, biz Türkmenistanyň Saglygy goraýyş we derman senagaty ministrligi tarapyndan ýurduň çägini ýokanç kesellerden goramak, onuň ýaýramagynyň öňüni almak boýunça görýän çäreleri barada habar beripdik.
Euronews agentliginiň habar berşi ýaly, koronawirus zerarly dörän pnewmoniýa zerarly Hytaýda eýýäm 130-dan gowrak adam aradan çykdy; kesellänleriň sany 6 müňe golaýlaýar.
Koronawirus zerarly Türkmenistanyň raýatlaryna Hytaýa gitmekden saklanmak maslahat berilýär
- 29.01.2020 22:57
- 14k+
