Kofeniň haýsy görnüşi has peýdaly?

Kofe Alsgeýmer keselinden goramak ukybyna eýe, ol artykmaç agramdan dynmaga kömek edýär we diabet howpuny peseldýär. Espressomy, kapuçinomy ýa-da amerikano? Saglygyňa peýda gazanmak üçin kofeniň haýsy görnüşini içmeli? Alymlar barlag geçirdiler we süzgüç-kofeni içmegiň iň peýdalysydygyny anykladylar.
Süzgüç-kofe kagyz süzgüjiniň, hususan-da, puroweriň we kemeksiň ulanylmagy bilen taýýarlanylýar. Içginiň bu görnüşi Skandinawiýada we Amerikada has meşhur. Süzgüç-kofeni damja görnüşli kofe gaýnadylýan gapda taýýarlaýarlar: ortaça ýa-da iri üwelen dänäni ýörite niýetlenilen süzgüje guýýarlar we onuň üstünden hem gyzgyn suwy guýýarlar. Bu içgini 200-220 ml-däki bulgurlarda hödürleýärler.
Alymlar 2-3 çaşka kofeniň ikinji derejeli diabetiň güýçlenmek howpuny 60% peseldýändigini belleýärler. Kofe antioksidant täsirine eýe. Mundan başga-da, süzüji kagyz diterpinleri – ganyň düzümindäki şekere täsir edýän molekulalary geçirmän saklaýar.
Turkada otda taýýarlanylýan kofe bolsa, adamyň saglygy üçin zyýanly hasaplanylýar.