Awtoekspertler sürüjileriň ulagy düzýän elementleriň çalt hatardan çykmagyna we ahyrynda düýpli ýagdaýlara getirip biljek üç sany ýaramaz endigini atlandyrdylar. Bu barada mir24.tv habar berýär.
Iň howplusy awtomobil hereketde wagtynda eliňi herekete getiriji gutyny işledýän ryçagda saklamakdyr. Ulag togtan ýagdaýynda, duýdansyz rul aýlananda ýa-da garaşylmadyk ýagdaýlar ýüze çykanda sürüjä rulda iki eliniň hem bolmagy gerekdir. Şeýle bolmasa düýpli ulag heläkçiliginiň bolmagy ahmal. Muňa eliňde telefony ýa-da çilimi saklamak hem sebäp bolup biler.
Awtomobile dowamly tormoz bermek ýa-da tormoz pedalyna ýygy-ýygydan basyp durmak hem ýaramaz täsir edýär. Bu diňe bir çalt zaýalanma däl-de, eýsem, tormoz kolodkalarynyň gyzmagyna-da getirýär. Howply manýowrlarda olar ýanyp, hatardan çykyp bilýärler, bu bolsa ahyrynda kyn ýagdaýy ýüze çykarýar.
Ýene bir zyýanly endik herekete getirijini gyzdyrmazdan «bada-bat» herekete başlamak hasaplanylýar. Bilermenleriň pikiriçe, islendik howa şertlerinde awtomobili birnäçe minut boş aýlawda dolandyrmaly, hünärmenler hereketiň ilkinji bäş minudynda kolenwala minutda iki müň aýlawdan artyk tizlik bermeli däldigini maslahat berýärler. Bu maslahatlaryň berjaý edilmegi hereketlendirijiniň hyzmat ediş möhletini ýokarlandyrmaga ähmiýet berer.
Ekspertler sürüjileriň ulagy zaýalamaga getirýän üç sany zyýanly endigini aýtdylar
- 21.01.2020 23:29
- 4.1k+
