Apelsin suwy C witamini düzüminde saklamak boýunça lider-önümleriň biridir. Onda organizmiň öýjüklerini garramakdan goraýan köp sanly flawonoidler we antioksidantlar saklanýar. Ýöne ekspertler apelsin suwunyň heniz hemmelere belli bolmadyk birnäçe alamatlaryny ýüze çykardylar.
Apelsin suwunyň içilmegi artykmaç agramdan dynmaga kömek eder. Ýaňy-ýakynda geçirilen barlagyň netijelerine görä, adamlaryň iýmit bilen bile kabul eden apelsin suwunyň günde üç paýy gysga wagtyň içinde ortaça 300 gram horlanmaga kömek etdi, bu barada «Zuma de Fruta en Serio» ylmy assosiasiýasyna salgylanmak bilen «ABC» neşiri ýazýar.
Apelsin suwy arterial basyşy kadada saklamaga ýardam edýän mikronutrientlere örän baý.
Mundan başga-da, lukmançylyk hünärmenleriniň pikiriçe, bu içgi ýüregi sagdyn saklamaga kömek etmek bilen «ýaramaz» holesterini «gowa» öwürmäge ukyply.
Hünärmenler uly bolmadyk stakan apelsin suwunyň ganda şekeriň derejesini kadalaşdyrmaga ýardam edýändigini aýdýarlar.
Apelsin suwunyň köp bolmadyk mukdarda yzygiderli kabul edilmegi bilen diňe bir gan basyş kada gelmän, eýsem, insuline durnuklylyk peselýär.
Apelsin suwunyň köplere mälim bolmadyk alamatlary
- 20.01.2020 23:50
- 4.8k+
