Toyota Ýewropa üçin täze ykjam krossowerini taýýarlaýar

Ýapon awtoöndürijisi Ýewropa bazary üçin täze ykjam krossowerini çykarar. Bu barada Toyota press-gullugy habar berýär.
Toyota kompaniýasy Ýewropa bazarynda satyljak täze ykjam krossoweri baradaky tizeri we ilkinji resmi maglumaty neşir etdi. Model hatarynda bu krossower C-HR krossowerinden bir basgançak aşakda ýerleşer. Awtomobiliň premýerasy 2020-nji ýylda bolar.
Bu krossoweriň esasynda GA-B täze modul platformasy durýar, täze nesliň Toyota Yaris hetçbegi hem şonuň esasynda gurnalan. Şeýlelik bilen täze önüm soňkynyň esasy böleklerini we täze nesliň Yaris hetçbekli enjamlaryny özüne kabul edip alyp biler.
Kompaniýada krossoweriň diňe bir göwrümi ulaldylan ýol yşykly ýönekeý «Ýaris» bolmajakdygy bellenildi – ol özüniň platforma «donoryndan» daşky görnüşi we göwrümi boýunça tapawutlanar. Neşir edilen tizere salgylansak, awtomobil gysga öňki we yzky sweslere, uly ýol yşygyna, göwrümi boýunça ulaldylan teker disklerine we original formadaky yşyklandyryjylara eýe bolar.
Täze önümiň seriýaly önümçiligi Fransiýadaky kärhanada Yaris bilen bir hatarda ýola goýular.