2019-njy ýylyň iň howpsuz awtomobilleri belli edildi

Euro NCAP Ýewropa guramasy 2019-njy ýylyň iň howpsuz awtomobilleriniň reýtingini düzdi. Ýeňijileri alty sany aýratyn segmentleriň kraş-testiniň netijeleri boýunça belli etdiler.
«Supermini» klasynda iň howpsuz awtomobil Renault Clio we Audi A1 boldy, olaryň derejesine Ford Puma kiçi krossoweri azrak ýetip bilmedi.
«Kiçi maşgala awtomobili» kategoriýasynda Mercedes-Benz CLA iň ýokary netijäni görkezdi, «Uly maşgala awtomobili» segmentinde meňzeş bal gazanan birbada iki model – Tesla Model 3 we BMW 3-Series iň gowusy diýlip kabul edildi. Birinjisi pyýadalaryň kemsiz howpsuzlygy bilen, ikinjisi bolsa elektron kömekçileriniň işleýşi bilen tapawutlandy. Model 3 elektrokarlaryň we gibridleriň arasynda iň howpsuz awtomobil bolmak bilen «ýakyn» kategoriýasynda hem ýeňiji boldy.
Ilon Mask üçin buýsanmaga ikinji sebäp «Adaty ýoldan daşary niýetlenilen uly awtomobiller» klasynda Seat Tarraco-dan üstün çykan Model X boldy.
«Adaty ýollardan daşary niýetlenilen kiçi awtomobilleriň» arasynda Mazda CX-30-y we Volkswagen T-Cross-y yzda goýup, howpsuzlygyň ýokary derejesini Subaru Forester görkezdi.
2019-njy ýylda jemi 55 awtomobil synagdan geçirildi, olaryň 41-si maksimal netijäni – bäş mümkinçilikden bäş ýyldyzy gazanmagy başardylar.