Dünýäde iň meşhur elektromobiller belli edildi

2019-njy ýyl boýunça dünýäde iň meşhur elektrokar Tesla Model 3 boldy, bu modeliň 300 815 sanysy satyldy. Elektrokarlaryň arasynda satuwy boýunça ikinji we üçünji orunda hytaý modelleri BAIC EU-Series we BYD Yuan/S2 EV ýerleşdi.
Dördünji orunda bolsa, öň birnäçe ýyllap dünýäde iň meşhur elektrokar bolan Nissan LEAF ýerleşdi. Bäşinji orunda BMW 530e. Bu barada today.ua habar berýär.
Elektromobilleriň segmenti boýunça Tesla kompaniýasynyň liderliginde geň göresi zat ýok. 2019-njy ýyl Ilon Maskyň kompaniýasy üçin iň şowly ýyl boldy. 2020-nji ýyl hem, görnüşi ýaly, has hem şowly bolar. Sebäbi ýaňy-ýakynda Hytaýda Model 3 sedanynyň seriýaly önümçiligi işe başlady, belli bolşy ýaly, dünýäde iň köp elektrokarlar hem hut Hytaýda satylýar.
Tesla zyýanly maddalaryň zyňyndy derejesi boýunça berk düzgünleriň we «ýaşyl» ulag serişdeleri üçin döwlet stimullaryň hereket edýän ýeri bolan Ýewropa öz ulaglarynyň çykarylyşyny artdyrmagy göz öňünde tutýar.
Güýçli elektrik gurluşly hytaý awtomobilleriniň meşhurlygynda hem geň zat ýok. Ýaňy belleýşimiz ýaly, häzirki wagtda iň köp elektrokarlar Hytaýda satylýar. Munuň şeýle bolmagyna birnäçe ýagdaýlar sebäp bolýar. Meselem, ol ýerde «ýaşyl» ulaglaryň satyn alynmagyny stimulirleme boýunça döwlet we welaýat meýilnamasy hereket edýär.