2022-nji ýyla çenli barlaghanalarda howadan taýýarlanylýan iýmitiň önümçiligine başlanylar

2022-nji ýyla çenli barlaghanalarda howadan, suwdan we elektrik togundan taýýarlanylýan iýmitiň önümçiligi işe giriziler. Bu barada Solar Food kompaniýasynyň finlýandiýaly ylmy hünärmenleri habar berdi.
Finlýandiýanyň alymlary tarapyndan 2022-nji ýyla çenli proteiniň emeli önümçiligi işe giriziler. Deslapky hasaplamalara laýyklykda, emeli proteiniň bir kilogram poroşogy 10 sany adamy gerek bolan ýokumly maddalaryň gije-gündizki normasy bilen üpjün etmäge ukyply derejede baýlaşdyrylan.
Şunuň bilen birlikde hünärmenler onýyllygyň dowamynda bu önümiň bahasy boýunça soýa bilen bäsdeşlik etjekdigini aýdýarlar. Olar ony suwdan elektrik arkaly bölünip aýrylan wodorod bilen iýmitlenýän toprak bakteriýalaryndan taýýarlaýarlar.
Fin alymlary eger-de elektrik togy Günüň we ýeliň kömegi bilen öndürilýän bolsa, onda azyk önümlerini hem parnik gazyny hiç hili harçlamazdan ösdürip ýetişdirip boljakdygyny nygtaýarlar.
Barlagçylar wodorod emele geler ýaly suw bugunyň molekulalaryny elektrik togunyň kömegi bilen dargadýarlar. Kömürturşy gaz uglerodyň çeşmesine öwrülýär, bu reaksiýanyň bilelikdäki netijesi bolsa toprakdan alnan bakteriýalara köpelmäge mümkinçilik berýär, netijede beloklara, ýaga we uglewoda baý bolan madda alynýar.
Häzirki wagtda kompaniýa poroşogyň köpçülikleýin öndürilişini hatda eksperimental režimde hem işe girizmedi, olaryň güýji bolsa bir kilogram poroşogy öndürmäge ýetýär. Onuň düzümi 50-60% belokdan, 5-10% ýagdan we 20-25% uglewoddan ybarat.