Brusnika suwy ýokary gan basyşy peseltmäge kömek edýär we damarlaryň hereketini gowulandyrýar, diýlip Helsinki uniwersitetiniň ýaňy-ýakynda geçiren barlagynda aýdylýar. Bu barada Medical Xpress habar berýär.
Farmakologiýa kafedrasynyň lukmany Enn Kiwimýaki gipertenziýaly barlaghana alakalarynyň gatnaşmagynda eksperimental barlag geçirdi. Üç aý töweregi haýwanlara klýukwanyň, gara smorodinanyň we brusnikanyň suwuny berdiler. Bu miwelerde ýürek-damar keselleriniň ýüze çykmak howpuny peseldýän polifenollaryň köp mukdary saklanýar.
Eksperimentiň netijeleri brusnika suwunyň ýokary gan basyşy düýpli peseldýändigini, konsentrirlenen içginiň bolsa damarlaryň ýagdaýyna oňaýly täsir edýändigini görkezdi. Şunuň bilen birlikde ol ýaş boýunça arterial basyşyň ýokarlanmagyna böwet bolup bilenok. Beýleki miwe suwlary üýtgeşik netije bermedi.
Barlagyň awtorynyň belleýşi ýaly, alnan maglumatlary biraz ýokary gan basyşly adamlarda hem barlap görmek gerek.
«Brusnika suwy dermanyň ýerini tutup bilmez, ýöne nahara tagamly goşmaça iýmit bolup biler» – diýip, Kiwimýaki hasaplaýar.
Alymlar gan basyşy peseltmäge kömek edýän içgini anykladylar
- 06.01.2020 19:56
- 5.1k+
