Lukmanlar nähili geýimleriň allergiýa döredip biljekdigini aýtdylar

Egin-eşik – bu diňe bir moda we rahatlyk bolman, eýsem, kähalatlarda allergiýadyr. Sebäbi ol günüň köp böleginde deri bilen ýakyn gatnaşykda bolýar.
Allergiýa reaksiýasyny islendik material, hatda tebigy material hem döredip bilýär. Ýöne dermatit esasan sintetiki geýimlerden ýüze çykyp bilýär: poliester, emeli ýüpek, neýlon, spandeks ýa-da rezinler. Onuň sebäbi hem belli, çünki hut şu matalar derä dem almaga mümkinçilik bermeýär we hetdenaşa derlemeklige getirýär.
Egin-eşik bilen bagly başga gyjyndyryjylara şulary degişli etmek bolýar:
Aksessuarlar. Nikelden ýa-da kobaltdan taýýarlanylan şpilkalar, ilikler, syrmalar we berçinler – dermatitiň döremeginiň giňden ýaýran sebäbi. Statistika boýunça, nikele bolan kontaktly dermatit görnüşindäki allergiýadan dünýäniň 12,5 % ilaty ejir çekýär.
Kir ýuwujy serişde. Gynansak-da, köp arassalaýjy serişdeler düzüminde köp adamlarda allergiýa reaksiýasyny döredip biljek zyýanly toksinleri, reňk berijileri we ys berijileri saklaýarlar.
Täze geýim. Täze geýim düzüminde egin-eşikleriň erbet ýygyrt bolmagyna getirýän formaldegid saklanyp bilinýär. Bu bolsa duýgur adamlarda gijelewügi we gyjyndyryjylygy döredip biljek ýeterlik derejedäki zyýanly maddadyr.
Ftoroplast we teflon. Bu maddalar ýokary tehnologik geýimler tikilýän döwrebap membran materiallarynda ulanylýar. Ýöne dermatologlar şeýle siňdiriji zatlary diňe bir allergiýany däl-de, eýsem, ragy hem döretmäge ukyplydygy sebäpli adam üçin zyýanly hasaplaýarlar.