Tesla elektromobilleriň satuwy boýunça täze rekord goýdy

Uoll-stritiň çaklamasyna görä, dördünji çärýekde Teslanyň önümçiligi 106 000 awtomobile ýetmelidi.
Kompaniýanyň maglumatlary boýunça, geçen ýyl müşderilere 367 500 elektromobil satyldy, bu bolsa 2018-nji ýyl bilen deňeşdirilende 50% ýokarydyr. Şeýlelik bilen, kompaniýa öňde goýlan maksada ýetmegi başardy, ýagny ýylyň dowamynda sarp edijileri 360 000-den 400 000-e çenli awtomobil bilen üpjün etmeli, bu hem 2018-nji ýyldan 45-65% ýokary.
Üpjünçilik boýunça görkeziji çärýek hasabatynyň neşir edilmeginiň öň ýanynda kompaniýanyň işini bahalandyrmaga mümkinçilik berýär. Tesla “eger-de awtomobiller müşderilere berlen we ähli resminamalar hem dogry resmileşdirilen bolsa”, onda awtomobiller gowşurylan diýip hasap edýär.
Teslanyň habar bermegine görä, dördünji çärýekde müşderiler Model 3-iň 92 550 sanysy we Model S hem-de X-iň 19 450 sanysy bilen üpjün edildi. Deňeşdirmek üçin bellesek, analitikleriň maglumatlaryna laýyklykda, hasabat çärýeginde kompaniýa Model 3 elektromobilleriniň 87 900 sanysy, Model S-iň 9800 sanysy we Model X-iň 9300 sanysy bilen üpjün etmelidi.
Şeýle-de, öndürijiniň habar bermegine görä, onuň Şanhaýdaky kärhanasynda hasabat döwründe konweýerden 1000-e golaý awtomobil çykdy.