Lukmanlar bagry bejermäge ukyply miwäni aýtdylar

Bagyr toksinleri, zäherli maddalary, alkogolyň dargama önümlerini we ş.m saklaýan süzgüç bolup hyzmat edýär. Bu barada Hyser saýty ýazýar.
Lukmanlaryň pikirine görä, dürli bagyr keselli adamlara öz rasionynda mangony yzygiderli esasda artdyrmak gerek. Hünärmenler bu daşary ýurt miwesiniň immunitetiň ýagdaýyna oňaýly täsir edýändigini belleýärler.
Ynanmak kyn, ýöne hut şu ekzotik miwe gadymy döwürden bäri belli bolan diňe almadan däl-de, eýsem, banandan-da öňe geçmek bilen, dünýäde iň meşhury hasaplanylýar. Antioksidantlaryň uly mukdarynyň kömegi bilen mango adam organizmine iýmit maddalaryny siňdirmäge kömek edýär, ösüşi hem-de iýmit siňdiriş ulgamynyň bakteriýalarynyň işjeňligini sazlaýar
Dietologlar şeýle-de, her bir miwede uly ýaşly adamlar üçin bir gije-gündizki normadan 20%-e çenli kletçatkanyň saklanýandygy sebäpli, onuň madda çalşygyny we aşgazanyň işini gowulandyrýandygyny belleýärler.
Gyzykly zat, ýaňy-ýakynda alymlar mangoda wirusa garşy alamatlara eýe bolan magniferin fermentlerini ýüze çykardylar, şol sebäpli bu miwe gerpesi bejermekde köp peýdalanylýar. Mundan başga-da, mangonyň gabygyny we döwlen şänigini turşadyjy serişde hökmünde ulanýarlar, ýapraklaryny we şahajyklaryny diş pasta derek peýdalanýarlar. Şeýle-de, mango göreç üçin hem diýseň peýdaly.
Ýatlap geçsek, adamyň iýmiti kabul ediş prosesinde çalt doýmagy bagyrda rak keseliniň döremeginiň başlangyç derejesinden habar berip biler. Şeýle netijä Beýik Britaniýanyň rak keseliniň Barlag merkeziniň hünärmenleri geldi.