Lukmanlar bedeni we ruhy bejermäge ukyply miwäni anykladylar

Lukmanlar adam bedeniniň kadaly işlemegi üçin zerur bolan witaminleriň köp mukdaryny özünde saklaýan miwe barada gürrüň berdiler.
Ýaňy-ýakynda alymlar belli miweleriň arasynda witaminleriň örän köp mukdaryny düzüminde saklaýan we wirus hem-de ýakymsyz howa şertlerinde dermanyň ýerini tutjak bir miwäniň bardygyny habar berdiler. Gürrüň armyt barada gidýär.
Hünärmenler bu önümi iýmitlenmegiň gündelik rasionyna hökman girizmelidigini we onuň kabul edilmegine biperwaý garamaly däldigini nygtaýarlar. Armydyň peýdalydygyny subut etmek üçin lukmanlar bu miwe bilen bagly geçirilen barlaglaryň netijeleri bilen paýlaşdylar.
Geň galdyryjy fakt: armyt şähdiňi açmaga kömek edýär. Sebäbi bu miwe organizmde dartgynlylygyň derejesini peseldýän we ony energiýa bilen üpjün edýän gurplandyryjy täsire eýe. Lukmanlar nämedir bir zat ynjalyksyzlandyrýan bolsa, birnäçe armydy hökman iýmelidigini maslahat berýärler.
Bu miwäniň kalsiý, kletçatka, demir we kaliý ýaly maddalary hem düzüminde saklaýandygyny belläp geçmeli. Mundan başga-da, armyt organizmiň saglygy üçin zerur bolan A, C, B we E witaminlere hem eýe.
Armyt duýdansyz gyzgyny galan, şeýle-de böwregiň işleýşi we iýmit siňdiriş organlarynyň prosesi bilen bagly meseleli adamlara hem uly kömek edýär.