«YouTube-de» telewizorda kontenti dolandyrmak üçin täze funksiýa peýda boldy

Geçen hepdede YouTube mobil programmasy birnäçe täze funksiýany işe girizdi. Bu bolsa ony ulanmak üçin has elýeterli hem ýönekeý edýär. Belläp geçmeli täzelikleriň biri hem, telewizorda YouTube programmasynyň ses gözlegi funksiýasynyň peýda bolmagydyr.
Täze funksiýa ulanmak üçin ýönekeý hem amatly. YouTube mobil programmasynda diňe Cast düwmesini basmak ýeterlik, şondan soň ekranda programmanyň ses buýrugyna taýýardygyny duýdurýan mikrofonyň şekili ýüze çykýar. Bu täzelenişden öň ses gözlegini telewizorda Android-gurluşy arkaly ulanmak amatly däldi. Indi bolsa munuň üçin birje düwmäni basmak ýeterlik, diýmek, indi funksiýa telewizorda YouTube wideoroliklerine tomaşa edýän ulanyjylar köpçüligi üçin elýeterli bolar.
Täze ses gözlegi bilen bir hatarda ulanyjylara “Kim seredýär” funksiýasy hem elýeterli bolar. Onuň kömegi bilen dürli ulanyjylar telewizorda olaryň mobil gurluşlary bilen bagly bolan YouTube programmasyndaky hasabat ýazgylarynyň arasyna geçmek işini hem amala aşyryp bilýärler. Şeýle çemeleşme maşgalanyň her bir agzasyna kontente elýeterliligi aňsat gazanmaga mümkinçilik berýär.
Şeýle-de, sahypanyň çep böleginde iň gowy kanallary görkezýän nawigasion menýusy hem täzelendi. Mundan başga-da, indi mobil programmasynda telewizorda YouTube-y dolandyrmakda hyzmat edýän distansion dolandyrylyşyň hakyky wirtual pulty peýda boldy.