«Mercedes GLA» modeliniň tanyşdyrylyş dabarasynyň çäklerinde geljekki täzeligiň ilkinji resmi suraty ekranda görkezildi. Bu ykjam elektrokaryň ilkinji goýberilişi 2020-nji ýylda bolar, 2021-nji ýylda bolsa onuň satuwyna başlanar.
«Mercedes-iň» bu elektrik krossoweri EQA-nyň konseptual modeli hökmünde 3 ýyl mundan öň görkezilipdi. Şonda kompaniýa ony doly elektrik gurluşly üç gapyly hetçbek hökmünde hödürläpdi. Şeýle-de bolsa, ykjam krossowerlere bolan trend we olaryň meşhurlygy şu segmentde meýilnamalary täzeden gözden geçirmeklige iterdi.
Häzirki wagtda metbugat gullugy tizer kampaniýasyna başlady we ýakyn wagtda anyk maglumatlar elýeterli bolar.
Häzir «Mercedes EQA» pugta brend goragynda saklanýar. Biz entegem onuň tehniki häsiýetnamalaryny, takyk dizaýnyny, şeýle-de onuň tanyşdyrylyş dabarasynyň, satuwa çykarylmagynyň anyk senesini we bahasyny bilmeýäris. Muňa garamazdan, «Mercedes GLA-nyň» täze nesliniň görkezilişiniň çäklerinde ekranda elektrik EQA-nyň seriýaly görnüşi hem görkezildi.
Modeliň diňe bir tarapyndan görkezilmegine, kuzowynyň bolsa reňkli bezegleriň astynda gizlenendigine garamazdan, bize käbir detallary görmek başartdy. Ilkinji nobatda, özboluşly dizaýna eýe bolan aerodinamiki disklere üns bermek bolýar.
Biz «Mercedes EQA-nyň» 400 km ätiýaç ýoluna, 200 at güýçli kuwwatlyga, şeýle-de iki motorly wersiýasynyň doly hereketlendirijisine eýe boljakdygyny çaklaýarys.
Şol bir wagtda «Mercedes S-Klass» sedanynyň 500 müňüsini çykardy. Modeliň ýygnama işleri Germaniýadaky kärhanada amala aşyrylýar. «Mercedes-Benz S-Klass» dünýäde iň bir meşhur we ýörgünli awtoulag hasaplanýar.
«Mercedes» EQA elektrik krossoweriniň ilkinji tizerini görkezdi
- 19.12.2019 23:56
- 3.1k+
![«Mercedes» EQA elektrik krossoweriniň ilkinji tizerini görkezdi](https://tmcars.info/tmcars/images/original/2019/12/19/23/59/89343e73-ac35-40e8-abd0-c5e2e1368b1e.jpg)