Smartfonuň awtonom işi nämä bagly

Näme üçin smartfonlar çalt zarýadsyzlanýar we nädip kuwwatly batareýli apparaty saýlamaly?
Smartfonuň işine näme täsir edýär? Öň ykjam telefonlaryňyzy üç günde bir gezek zarýaddandoldurýan wagtlaryňyz ýadyňyza düşýärmi? Häzirki wagtda beýle däl. «The Washington Post» gazeti 13 sany smartfony öwrenmek bilen, olaryň batareýleriniň hilini testden geçirdi.
Öndürijileriň iPhone XR we Samsung Note 9 ýaly smartfonlar üçin bir gezeklik doldurylan zarýadyň tutuş güne ýetýänligi baradaky berýän kepilleriniň ýerine ýetmeýändigi kesgitlenildi – batareýler wideony aýtdyrma režiminde bary-ýogy 12 sagada ýetip bildi. Displeýiň göwrümi bellibir derejede akkumulýatoryň işleýiş dowamlylygyna täsir edýär.
Displeýiň uly göwrümi zerarly smartfon energiýany köp talap edýär, esasan hem ýagtylyk ýokary bolanda. Batareýiň energiýasyny köp sarp edýän goşmaça millionlarça programmalar hem bar. Mundan başga-da, energiýanyň sarp edilmegine smartfonuň içki gurluşy hem täsir edýär – orta we öňdebaryjy lineýkalardan Snapdragon prosessory has energiýa netijeli hasaplanylýar.
Nädip smartfonuň iş wagtyny artdyrmaly. Ideal telefony saýlap almak prosesi köp wagt alar. Akkumulýatoryň sygymyny, önjeýliligini, kameranyň häsiýetini, displeýi we goşmaça funksiýalary deňeşdirmek has zerur faktor bolan akkumulýatordan siziň ünsüňizi sowar.
Maksimal parametrli we pes batareýli telefonyň satyn alynmagy, gynansak-da, energiýany tygşytlaýan programma gurluşlary bilen üpjün edilmez.
Eger-de siz bütin gün smartfondan peýdalanmaýan bolsaňyz, onda onuň akkumulýatory bir gije gündizden hem köp saklanar. Ekranyň ýagtylygyny peseltmek ýa-da fon programmalaryny öçürmek hem awtonom işiň dowamlylygyny artdyrar.