Ferrari kompaniýasynyň ýolbaşçysy Luis Kamilýeri brendiň taryhynda ilkinji doly derejeli elektrik modelini çykarmak boýunça meýilnamasy barada Reuters informasion agentligine gürrüň berdi. Onuň aýtmagyna görä, häzirki çekiş akkumulýatorlary heniz hem düýpli gutarnykly işi, olaryň zarýad dowamlylygy bolsa has gowusyny talap edýär.
Geçen güýzde kompaniýa 2022-nji ýyla çenli ösüş strategiýasyny neşir etdi. Meýilnama laýyklykda, gammada gibrid sportkarlary ýüze çykar, ýöne onda elektromobiller barada ýeke söz hem aýdylanok. Bu şeýle ulaglary italýanlaryň azyndan 2023-nji ýyla çenli çykarmagy meýilleşdirmeýändigini aňladýar, indi bolsa hemmetaraplaýyn alanyňda, bu möhlete ýene birnäçe ýyl goşulýar. Ýöne Ferrari gibridleri – bu eýýäm hakykat: sebäbi kompaniýa ýazda 1000 at güýçli gibrid gurluşy bilen zarýadlanýan doly herekete getirijili SF90 Stradale superkaryny görkezdi. Ýakyn geljekde gammada şeýle awtomobilleriň sany artar, çünki Ferrari ýolbaşçylygy eýýäm üç ýyldan 60% satuw hut gibridlere degişli bolar diýip hasaplaýar.
Superkarlaryň segmentleriniň doly elektrik güýçli gurluşa geçmegi häzirlikçe soňa süýşürilýär. Geçen gyşda bu barada trek ugrunda ätiýaçlygyň azdygyna esaslanmak bilen Lamborghini markasynyň wekilleri habar berdiler.
Ferrari elektromobil önümçiligini 2025-nji ýyla çenli süýşürýär
- 15.12.2019 09:10
- 2k+
