Journal of the American Medical Association makalasynda bellenilişine görä, barlagdan geçýänler bu dermany hepdede üç gezek kabul etdiler. Ähli meýletinçiler prostata, öýken, içege we beýleki organlarda rak keselli 65 ýaşdan uly näsaglardy. Eksperimentiň ahyrynda bu dermanyň kabul edilmeginiň dermany içmedikler bilen deňeşdirilende onkologiýadan ýogalmak howpuny 15% peseldendigi anyklanyldy. Koloraktal rak bilen hem-de iýmit siňdiriş organlarynyň onkologiýasy bilen kesellänleriň kategoriýasy has hem ýokary netijäni görkezdiler – 25% meýletinçi ölümden gutulmagy başardylar.
Merilendidäki ABŞ-nyň onkologiýa Milli institutyndaky işiň awtorlarynyň düşündirişine görä, olar, takmynan, 150 000 gatnaşyjynyň görkezijilerini hem-de olaryň soňky 12 ýylyň dowamyndaky kliniki kartinalaryny seljerdiler.
Barlagy alypbaryjy Holli Lumans-Kropp alymlar topary bilen birlikde artykmaç agramsyz näsaglarda hem iň gowy netijeleri bellediler. Meselem, bedeniň agramynyň 20-den pes indeks görkezijilerine eýe bolanlar rak keselinden ýogalma howpuny semiz adamlardan tapawutlylykda 62% peseltmegi başardylar. «Geljekde beden agramynyň indeksine rak keseliniň öňüni almakda aspiriniň netijeliligi bilen baglylykda üns bermeli bolar. Şonuň bilen birlikde-de, adamlaryň arasynda semreme meselesini hem göz öňünde tutmaly» – ol diýýär.
Aspirin rak keselinden ýogalmagyň öňüni almakda peýdaly bolup çykdy
- 08.12.2019 09:08
- 19k+
