Elektromobiliň batareýini 10 minutda zarýaddan doldurmagyň usuly tapyldy

Pensilwaniýa ştatynyň Uniwersitetiniň barlagçylary elektromobillerde ulanylýan litiý akkumulýator batareýlerini çalt zarýadlandyrmagyň usulyny oýlap tapdylar.
Akkumulýatora gysga wagtda uly göwrümli energiýany berip batareýi zarýaddan doldurmak usuly dogry däldir. Şeýle ýagdaýda akkumulýatoryň elektrodynda litiý gatlaklanyp başlaýar, bu bolsa batareýiň zaýalanmagyna getirýän howpdur.
Elektrodda litiýniň ýygnanmazlygy üçin, batareýi ýokary temperaturada 60 gradus tertipde zarýadlandyrmaly, şondan soň ony derrew sowatmaly. Şeýle ýagdaýda zarýadyň ýokary kuwwaty ýüze çykýar, proses bolsa 10 minuda çenli gysgalýar – şeýle zarýad ortaça 320-den 480 km-e çenli ýoly geçmäge ýetýär.
«Bu geljegiň ýňrelgesidir. Ony elektromobillere girizmek hökmandyr. Sebäbi tehnologiýa bellenilen nokada zarýad ýetmez diýen gorky meselesini çözmäge mümkinçilik berýär» – diýip, Pensilwaniýa ştatynyň Uniwersitetiniň professory Çao-Ýang Wang belleýär.
Şeýle şertleriň döredilmegi gyzdyryjy elementleriň akkumulýatoryň litiý böleginde ýerleşdirilmeginiň kömegi bilen mümkin boldy – şeýle element bolup nikel folgasy çykyş etdi. Bu barlagyň kömegi bilen barlagçylar batareýi 2500 gezek zarýadlamagy başardylar, şonuň bilen birlikde, ol özüniň başdaky sygymynyň bary-ýogy 8,3%-ni ýitirdi.
Barlagçylar zarýadyň 2500 sikliniň 750 000 km ýoly geçmeklige barabardygyny belleýärler. Şeýle görkeziji hasap bilen has hem özboluşly welin, ABŞ-nyň energetika ministrligi sygymyň 20 %-niň ýitgisi bilen zarýadyň 500 sikline norma goýdy.