Ösümlik ýaglarynyň haýsysy has gowy?

Zeýtun ýagy – bu sagdyn durmuş isleýän islendik adamyň rasionynda bolmaly deňi-taýy bolmadyk iýmitdir. Muňa garamazdan, kähalatlarda ähli ýaglaryň gowudygy ýa-da däldigi barada şübhe döreýär.
Gowurmak üçin haýsy ýaglar has gowy?
Eger-de siz bir zatlar gowurmak isleseňiz, onda ýag saýlan wagtyňyzda hut şol ýagda tüsse derejesiniň bardygyny göz öňünde tutmalydyr. Onuň häsiýetleri hökmany däl, sebäbi olar ýokary temperaturada ýitip gidýärler. Tüsse derejesi – bu ýagyň tüsse çykaryp başlaýan temperaturasy. Käbir ýaglar temperaturanyň ýokarlanmagy bilen öz tagamlaryny üýtgedýärler. Şonuň üçin arassalanan zeýtun ýagy – iýmiti gowurmak üçin ulanmakda iň gowusy.
Kokos ýagy.
Soňky birnäçe ýylyň içinde kokos ýagynyň has meşhur bolandygyna siz, belki, üns berensiňiz. Onuň tüsse derejesi organizme berýän iň gowy häsiýetleri bilen birlikde ýeterlik derejede ýokary. Ýöne onuň bahasy ýagyň beýleki görnüşleri bilen deňeşdirilende ýokary we käbir ýagdaýlarda ony tapmak hem kyn. Muňa garamazdan, köp adamlar bu ýagy tagam taýýarlamakda ulanmagy göwnejaý hasaplaýarlar.
Çig görnüşde haýsy ýagy ulanmak gowy?
Ýagy çig görnüşde ulanmazdan öň, gowusyny saýlar ýaly ilki bilen onuň häsiýetleri bilen tanyşmaly. Ýylylyk berilmezden içe kabul etmekde iň gowy ýag – bu extra virgin ýagy. Zeýtun ýagynyň ýokary hillisi bilen bir hatarda, kokos ýagy hem düzümindäki antioksidantlaryň köp mukdarynyň kömegi bilen çigligine içe kabul etmek üçin doly laýyk gelýär, antioksidantlar ýaşlygyňy we deriniň ýylmanaklygyny saklamaga kömek edýär, Omega-3 sagdyn ýagynyň bolmagy bolsa ony çig ýa-da pes temperaturada taýýarlamakda ulanmak üçin mümkinçilik berýär.
Ýagyň ýokary kaloriýaly önümdigi anyk zatdyr, şonuň üçin onuň kabul edilmegi normadan geçmeli däldir. Köp bolmadyk mukdarda kabul etmek olaryň organizme berýän ýokary hilli häsiýetleriniň kömegi bilen saglyk üçin diýseň peýdaly.