Ýiti resperator wirusly kesel wagtynda iýmekden saklanmaly önümler

Haçan-da organizm ýiti resperator wirusly kesele (ОРВИ) ýa-da dümewe garşy hereket edýän wagtynda, oňa biziň kömegimiz gerek bolýar. Zerur iýmit endikleri bolsa şeýle wagtda has hem gerekdir: sebäbi biziň bedenimize iýmit ýa-da içgiler bilen düşýän peýdaly (ýa-da zyýanly) maddalar bize hem kömek edip bilýär, hem zyýan edip bilýär. Eger-de siz öz sowuklamaňyza berk gaýtawul bermek isleseňiz, onda biz siziň üçin şeýle wagtda daşda durmaly birnäçe önümleri we içgileri saýladyk.
Apelsin şiresi. Eger-de siziň sowuklamaňyz üsgülewük ýa-da bokurdakda agyry bilen geçýän bolsa, onda siz apelsini, mandarini ýa-da olardan taýýarlanylan şiräni kabul etmekden saklanmaly. Çünki, bu miwelerde sowuklan bokurdaga we nemli barda goşmaça zeper ýetirjek we gutulmaga päsgel berjek limon kislotasynyň düzümi ýokary bolýar.
Süýji zatlar. Haçan-da biz kesellän wagtymyz, biz süýji zatlara has ýykgyn edýäris: şeýle usul bilen organizm kesele garşy göreşmek üçin azrak energiýa almak isleýär. Ýöne muňa ýol bermeli däldir: sebäbi biz düzüminde şeker bolan nämedir bir zady iýenimizde, biziň immun sistemamyz gowşaýar we kesel gaýtadan güýjeýär. Kökäni ýa-da süýjini şekersiz gara şokoladyň birnäçe bölejigi bilen çalşyryň.
Kofeinli gazlandyrylan içgiler. Süýji gazlandyrylan içgileri öz rasionyňyzdan düýbünden aýyrsaňyz has gowy: olar ýürek-damar ulgamynyň saglygyna zyýan ýetirýärler, hatda rak keseliniň ýüze çykmak howpuny ýokarlandyrýarlar. Biz ýaramadyk wagtymyz olar has hem zyýanly: kofein bizi suwsuzlandyrýar, şeker bolsa biziň immunitetimizi gowşadýar – netijede biziň oraganizmizde kesele garşy göreşmäge güýç galmaýar.
Tiz tagam. Bonna Uniwersitetiniň barlagçylary kesgitlediler: fast-fud biziň immun sistemamyza edil ýiti resperator kesel ýaly “agram salýar”. Şonuň üçin ondan hatda sagdyn wagtyňyz hem saklanmaly.
Ajy naharlar. Eger-de siz dümewli bolsaňyz, onda güýçli naharlardan saklansaň gowy: burçda we islendik ajy sousda bar bolan kapsaisin onsuz hem ýeňil bolmadyk burnuň nemli bardalaryna we bokurdaga goşmaça zyýan ýetirip biler.