Bill Geýts 2 ýylyň içinde ilkinji gezek dünýäniň iň baý adamlarynyň reýtinginiň başyny çekdi

«Microsoft» kompaniýasyny esaslandyryjy Bill Geýts Bloombergiň wersiýasy boýunça, Amazon kompaniýasynyň esaslandyryjysy Jeff Bezosdan öňe geçip, milliarderleriň reýtinginde birinjilige geçdi. Geýts bu reýtingde iki ýylyň içinde ilkinji gezek birinji ýeri eýeledi
Agentligiň maglumatlary boýunça, Geýtse reýtingiň lideri bolmaga Pentagon bilen harby edaranyň maglumatlaryny saklamak üçin “bulut” infrastrukturanyň döredilmegini göz öňünde tutýan $10 milliard dollaryk şertnama baglanyşmagy kömek etdi. Bu şertnama öň Amazon kompaniýasy hem dalaşgärlik edipdi.
Pentagon bilen şertnamanyň netijesinde Microsoft-yň aksiýalary 4% gymmatlady, bu bolsa Geýtsiň emlägini $110 milliard ýokarlandyrdy. Muňa garamazdan, Amazon kompaniýasynyň aksiýalary, takmynan, 2% pese gaçdy we Bezosyň emlägi hem peseldi – agentligiň maglumatlaryna görä, ol $108,7 milliarda barabar.
Bloomberg reýtinginiň üçünji ornuny Louis Vuitton Moёt Hennessy kompaniýasynyň toparynyň prezidenti Benua Arno eýeledi – onuň emlägi $103 milliard diýlip bahalandyrylýar. Öň Geýts Arno bilen ikinji ýer üçin, şol bir wagtda Forbes reýtinginde hem bäsleşmeli bolýardy.
Oktýabrda Geýts dünýäniň iň baý adamlarynyň sanawynda Bezosdan bir günlük öňe geçdi: Amazon aksiýalary pese gaçyşy derrew ýeňip geçmegi başardylar, bu bolsa onlaýn-riteýleri esaslandyryja birinji orny gaýdyp berdi.
Bloombergiň maglumatlary beýleki neşirleriň maglumatlaryndan tapawutlanýar. Bellik edilen wagtynda, Forbes Real Time reýtingine görä, Bill Geýts heniz hem milliarderleriň reýtinginde ikinji orny eýeleýär ($107,4 milliard), Bezos bolsa – birinji ($108,6 milliard).