Çaýyň suwuny iki gezek gaýnatmak bolýarmy?

Iki gezek gaýnatmagyň zyýany baradaky pikir kitriniň düýbünde zyýanly himiki garyndylaryň galýandygy bilen baglydyr: ftorid, gurşun, nitrat, myşýak we ftor. Şeýle maddalar krantdan akýan suwuň düzüminde saklanýar we olary adaty filtrler bilen aýyrmak kyn bolýar. Ýöne olaryň ergini ujypsyz we zäherli suwlar bäş gezek gaýnadylandan soň hem ýüze çykmaýar.
Köp adamlar kitrini “sygyryp” başlandan öçürýärler ýa-da suwa asyl gaýnamaga maý bermeýärler. Eger-de çaý – siziň gowy görýän içgiňiz bolsa, sizem ony durman içýän bolsaňyz näme? Diýmek, maddalar konsentrasiýasy boýunça däl-de, köp mukdary sebäpli ýygnanýarlar.
Hakykatda beýle däl. Her ýarym sagatdan çaý içýän adamlar her gezek suwy gaýnadyp durmazlar. Şeýle ýagdaýda iki gezek gaýnatma zerarly garyndylardan zäherlenme bolup bilmez. Munuň üçin, azyndan, 20 litr suwy gaýtadan gaýnatmak gerek bolar.
Eger-de siziň kitriňiz gowy bolsa, krantdan hem arassa suw akýan bolsa, onda çaýyň suwuny iki gezek hem gaýnadyp bilersiňiz. Hatda günde bäş kürüşge içýän bolsaňyz hem şeýledir.
Çaýyň tagamy üýtgärmi?
Iki gezek gaýnatmanyň garşydaşlary suwy gaýnadanyňdan soň ereýän kislorodyň mukdarynyň peselýändigine salgylanýarlar. Bu hem dogry. 100 gradusda we atmosfera basyşynda ereýän kislorodyň mukdary nola deň bolar. Suwy näçe gezek gaýnadanyňyz möhüm hem bolmaz – birmi ýa iki gezek.
Sowama ýagdaýynda suw ýene-de kislorod ýygnar. Ereýän kislorod suwuň tagamyna täsir etmeýär, ýöne çaýyň tagamyna täsir edip biler. Meselem, 70 gradusdan ýokary temperaturada gaýnadylan gök çaý ajymtyk bolar. Gaýnatmanyň mukdary muňa hiç hili degişli däl, bu ýerde esasy rol suwuň temperaturasynda.