Hytaýda 24 sagatlyk satuw marafony geçirildi, netijede Alibaba kompaniýasy rekord girdejini mälim etdi. “Sallahlar güni” internet-reteýlerine $38,4 mlrd getirdi, ilkinji milliardyny kompaniýa bary-ýogy 68 sekuntda gazandy. Bu barada South China Morning Post habar berýär.
“Sallahlar gününde” Alibabanyň görkezijisi esasy bazarda – Demirgazyk Amerikada soňky çärýekde ($42,6 mlrd) Amazon internet-reteýleriniň 80% satuwyna deň derejeli boldy, Reuters belleýär.
Alibabanyň ýolbaşçylygy köp satylýan harytlaryň gajetlerdigini habar berdi, esasanam, Huawei Mate 30 Pro we Apple-den iPhone 11 Pro smartfonlary we egin-eşikler. Däp boýunça 11-nji noýabrda geçen satuw festiwalyna milliard töweregi adam gatnaşdy. Bu diňe bir Hytaýyň ýaşaýjylary bolman, eýsem dürli ýurtlaryň alyjylary – Russiýadan Argentina çenli.
Satuw üsti bilen Alibaba ilkinji milliardyny baýramçylyk başlandan, sekuntda 544 000 zakaz almak bilen 68 sekundyň içinde gazanmagy başardy. 2018-nji ýylyň rekordy satuwyň 16 ýarym sagadynyň içinde täzelendi.
Alibaba kompaniýasy 1 günde $38 mlrdlyk söwda edip, rekord goýdy
- 15.11.2019 06:38
- 4.2k+
