The Walt Disney Company korporasiýasy 12-nji noýabrda Disney, Pixar, Marvel, LucasFilm studiýalary tarapyndan dürli ýyllarda düşürilen ýüzlerçe kinolentalaryny, şeýle-de bu platforma üçin döredilen täze filmleri we seriallary ýerleşdirer ýaly hususy Disney+ onlaýn-hyzmatyny işe girizdi, TACC-a salgylanma bilen Trend habar berýär. Işe giren gününde Disney+ özüniň abunaçylaryna ilkinji serialyny, ýagny “Ýyldyz esgerleri”-ni hödürledi, munda hereket älemde bolup geçýär.
Ilkibaşda hyzmat ABŞ-da, Kanada-da we Niderlandiýada hereket eder, soňra beýleki ýurtlarda hem ýüze çykar.
Ekspertler Disney+ hyzmatynyň ýüze çykmagy bilen onlaýn-kinoteatrlaryň arasynda “tomaşaçylar ugrunda göreş” başlajakdygyna ynanýarlar, täze hyzmat hem uly mümkinçilik bilen Netflix, Amazon Prime, şeýle-de ýaňy-ýakynda işe girizilen Apple TV+ ýaly bazar liderlerinden üstün çykar, sebäbi Disney – 100 ýyllyk diýen ýaly taryhly we anons edilen kult filmleriň dowamyna garaşýan, dünýäniň ähli ýeri boýunça million muşdakly studiýa.
Disney Netflix-e bäsdeş bolup biljek onlaýn-hyzmatyny işe girizýär
- 13.11.2019 22:32
- 1.6k+
