Dünýädäki iň girdejili kompaniýa IPO taýýarlyk görýär

Saud nebit kompaniýasy Saudi Aramco IPO-ny meýilleşdirýär. Onuň bahasy häzir $2 trln diýip bahalandyrylýar. 2018-nji ýylyň jemi boýunça ol dünýädäki iň ýokary girdejini görkezdi - $111,1 mlrd.
Saud Arabystanyň mirasdüşer şazadasy Muhammed ben Salman Saudi Aramco milli nebit kompaniýasynyň IPO-syna gutarnykly razylyk berdi, Bloomberg ýazýar. 
Saud Arabystanyň bazar kapitaly boýunça Dolandyryş müdirliginiň maslahaty zaýawkany tassyklady. Ýerleşdiriliş Saud biržasynda geçiriler.
Al Arabiya-nyň habar bermegine görä, kompaniýa 10-njy noýabrda IPO üçin prospekt neşir eder. Bahasyny kesgitleme hereketi 17-nji noýabrda başlanar, gutarnykly baha 4-nji dekabrda belli ediler. Telekanalyň çeşmeleri Saudi Aramco-nyň ýerleşdirme üçin jemi 5% aksiýany teklip etmekligi we $100 mlrd-y özüne çekmekligi meýilleşdirýändigini habar berýär.
Bu serişdeler Saud Arabystanyň milli maddy-üpjünçilik fonduna geçiriler. Olary nebitiň eksportuna bolan garaşlylygy azaltmagy öz içine alýan ýurduň ykdysadyýetini diwersifikasiýalaşdyrmak boýunça maksatnamada – Vision 2030 döwlet maksatnamasynda ulanarlar.
Öň HBS Bloombergiň hasabaty boýunça Saudi Aramco kompaniýasynyň 2018-nji ýylyň jemi boýunça iň girdejili kompaniýa bolandygy barada habar berilipdi. Saudi Aramconyň arassa girdejisi $111,1 mlrd-a ýetdi. Ikinji orny Apple – $59,5 mlrd eýeledi. Üçünji orny Samsung – onuň girdejisi 2018-nji ýyl boýunça $35,1 mlrd boldy.