Fisker we Ford elektrik krossoweriniň çykyş senesini belli etdiler

Fisker kompaniýasy indiki ýylyň ýanwar aýynda Tesla Model Y krossowerine bäsdeş bolup biljek täze elektrik krossowerini hödürlär. Bu barada özüniň Twitterinde firmany esaslandyryjy Henrik Fisker habar berdi. Belläp geçsek, Tesla Model Y krossoweri 2019-njy ýylyň mart aýynda tanyşdyrylypdy.
Täze awtomobil barada anyk maglumatlar heniz ýok, hatda onuň dizaýny hem gizlin galýar, muňa garamazdan, käbir informasiýalar belli. Meselem, bu täze awtomobil akkumulýatory goşmaça iýmitlendirmek üçin ýagty panelli üçege eýe bolar. Insaýderler elektrokaryň üçegiň bitewi uzynlygy gün batareýaly bolan dünýäde ilkinji krossower bolakdygyny aýdýarlar. Şonuň bilen birlikde, üst elektrik herekete getirijisine eýe bolar – üçegiň seksiýalary düwmäni basmak arkaly herekete getiriler.
Tehnikasy barada aýdylanda, krossower iki elektromotorly kuwwatly gurluş we 80 kWt/sagada niýetlenilen akkumulýatorlar toplumy bilen üpün ediler, onuň kömegi bilen awtomobil zarýadlamasyz 480 kilometri geçip biler.
Ýene bir elektrik krossower Mustang-yň tanyşdyrylyş dabarasy belli edildi. Ýagny, Ford doly elektrik krossoweriniň tanyşdyrylyşyny anons etdi. Model 17-nji noýabrda görkeziler.
Bu krossower ilkibaşdan elektromobil görnüşinde taslanylan ilkinji Ford bolar. Daşky görnüşi boýunça ol Mustang kupesine meňzediler. Onuň Mach-E diýip atlandyryljakdygy barada we yzky herekete getirijä eýe boljakdygy barada habar berýärler. Tehniki jikme-jikligi doly däl, ýöne öň anyklanylan maglumatlara görä, elektromobiliň ýokary wersiýalary 500-600 kilometrli ýol ätiýaçlygyna eýe bolarlar.
Mundan ozal Ford elektromobil çykarypdy – Focus-yň üçüni nesliniň binýady esasynda. Onuň önümçiligine 2011-nji ýylyň dekabrynda başlanylypdy. Ilkibaşda model 23kWt/sag göwrümli akkumulýator bilen üpjün edilipdi, 2017-ni ýylda 33,5 kWt/sagada niýetlenilen täze batareýa ýüze çykdy. Elektromotoryň kuwwatlylygy 145 at güýjüne barabar. Öndürilişi 2018-nji ýylda tamamlandy.