Elbetde bu geň, ýöne awtomobil eýýäm daşky gurşaw ministrligi tarapyndan ýola goýlan, taslamanyň çäklerinde 22 sany ýapon uniwersitetleriniň toparlary tarapyndan taýýarlanylan prototip derejesinde hereket edýär.
Taslamanyň awtorlary awtomobil senagaty üçin niýetlenilen täze materiallar bilen synag geçirmek islediler. Ulagyň gurluşynda sellýuloza nanosüýümleriniň – agaçdan we oba hojalyk galyndylaryndan taýýarlanylýan, täze biomaterialyň esasynda kompozit materiallary ulanylan. Bu materialdan diňe bir daşky paneller däl, eýsem kuzowyň birnäçe kuwwatly elementleri hem taýýarlanyldy.
Şeýle materiallaryň peýdalanylmagy meňzeş göwrümdäki awtomobil bilen deňeşdirilende, ulagyň, takmynan, iki esse ýeňil bolmagyna mümkinçilik berdi. Az agram bilen bir hatarda, nanosüýüm berkligi bilen hem üstün çykdy, onuň önümçiligi we peýdalanylmasy hem has ekologiki. Prototipiň wodorod hereketlendirijisi bilen üpjün edilmegi geň zat, onuň kuwwatlylygy örän ujypsyz, çünki awtomobiliň iň ýokary tizligi sagatda ýigrimi kilometre barabar.
Ýaponlar sellýulozadan awtomobil oýlap tapdylar
- 03.11.2019 10:12
- 726
