Volkswagen nemes awtoöndürijisi ähli konsern üçin sürüjisiz ulgamlary işläp taýýarlamak bilen meşgullanýan aýrybaşgalaşan Volkswagen Autonomy kärhanasyny döretdi – Motor Page habar berýär.
Täze subbrendiň ştab-kwartirasy iki sany bolar, ikisem Germaniýada ýerleşdiriler: biri Mýunhende, beýlekisi Wolfsburgde. Indiki ýyl marka Kaliforniýanyň Kremniýewa jülgesinde-de ofis açmak isleýär, 2021-nji ýyla çenli dördünji kärhana Hytaýda dörediler. Kompaniýa awtonom tehnologiýalaryny, ilkinji nobatda, söwda modellerine girizmegi göz öňünde tutýar. Gürrüň sürüjisiz taksiler we ýükleri daşamak üçin niýetlenilen furgonlar barada gidýär. Volkswagen Autonomy-nyň ýolbaşçylary dördünji derejedäki sürüjisiz ulgamlarda ünsüni jemlemeli bolýar.
“Biz awtomobil gurluşygyndaky we tehnologiýalary işläp taýýarlamakdaky tejribelerimizi birleşdirip biler ýaly, Volkswagen Autonomy-ny global kompaniýa etmek isleýäris. Biz sürüjisiz awtomobilleriň bahasyny peseltmek üçin, toparlaryň bilelikdäki işlerinden peýdalanarys” – subbrendiň baştutany we ýolbaşçylar maslahatynyň agzasy Aleksandr Hitsinger habar berýär.
Volkswagen sürüjisiz ulgamlaryň üstünde işlemek üçin aýratyn kompaniýa döretdi
- 01.11.2019 05:40
- 3.6k+
