2019-njy ýylyň awgustynda Türkiýäniň raýatlary ak we çal reňkli awtoulaglara has köp isleg bildiripdirler. Bu barada Trend agentligi Türkiýäniň statistika institutyna salgylanyp habar berýär.
Maglumatda bellenilişi ýaly, 2019-njy ýylyň awgustynda Türkiýäniň köçelerindäki hereket edýän awtomobilleriň 53,8 % ak reňde bolupdyr.
«23,89 % awtomobiller – çal reňkde, 6,9% - gara, 5,6% - gyzyl, 4,9% - mawy, 2,8% - sary, 2,11% - beýleki reňkler» diýlip Türkiýäniň statistika institutynyň habarynda bellenilýär.
Belläp geçsek, 2019-njy ýylyň awgust aýynyň jemleri boýunça Türkiýede ulanylýan ulag serişdeleriniň sany 2018-nji ýylyň degişli aýy bilen deňeşdirilende 42,2% azalyp, 23,113 milliona deň bolupdyr.
Hasabat döwründe ýeňil awtoulaglaryň paýy 54,1%, furgonlar we ýük ulaglary – 16,4%, motosikller – 14,3%, traktorlar – 8,2%. Beýleki ulaglar bolsa 7% düzüpdir.
Habar berlişi ýaly, ulanylýan awtoulag serişdeleriniň 13,5 %-i Renault, 6,5 %-i - Fiat, 15,6 %-i - Volkswagen, 5 %-i - Peugeot, 5,3 %-i – Honda kompaniýalarynyň önümleri bolupdyr. Galan 54,1% beýleki awtoulag markalarynyň paýyna düşüpdir.
Türkiýede ak we çal reňkdäki awtoulaglara bolan isleg artýar
- 08.10.2019 18:46
- 7.4k+
