«Akylly tilsimat» hojalyk jemgyýeti Beýik Britaniýanyň Türkmenistandaky ilçihanasy bilen bilelikde «Men telekeçi» atly ägirt uly taslamasyny işe girizdi. Bu barada CentralAsia.news habar berýär.
Bu taslama ýaş telekeçilere we öz pikirlerini täzelikde durmuşa geçirip başlanlara gönükdirilendir. Taslama şeýle hem dalaşgärleri Türkmenistandaky elýeterli bolan beýleki maglumatlara goşulmaga ýardam eder.
— «Men — telekeçi» taslamasy täze hyzmatdaşlar bilen hyzmatdaşlygy ýola goýmakda we tor arkaly özara gatnaşygyň hasabyna başlangyjy öňe sürmekde, şeýle hem Türkmenistanyň ähli künjeginden bolan ýaş telekeçiler bilen okuw sapaklarynda, forumlarda, maýa goýum duşuşyklarynda goşmaça mümkinçilikleri açýar — diýip hojalyk jemgyýetiniň baş direktory Mähri Ahmedowa gürrüň berdi.
Taslama Türkmenistandaky telekeçilik işini öňe ilerletmäge we işewürlik gurşawyny gowulandyrmaga gönükdirilen strategik maksatlara laýyk gelýär – diýip, Beýik Britaniýanyň Türkmenistandaky ilçisi Torda Ebbot-Uott gol çekiş dabarasynda belledi.
Belläp geçsek, 2016-njy ýyldan bäri «Akylly tilsimat» HJ durnukly işewürlik gurşawyny döredýär we IT-infrastrukturalara hyzmat edişiň binýatlyk ugurlaryndan daşary hyzmatlaryň hem-de çözgütleriň giň toplumyny hödürleýär.
Türkmenistanda «Men telekeçi» taslamasy işe girizildi
- 27.07.2019 03:52
- 8.7k+
