Türkmen halylary Alibaba internet söwda saýtynda satylyp başlandy

«Berkarar General Trading LLC» kompaniýasy dünýäniň iň iri internet söwda saýty bolan «Alibabada» türkmen halylarynyň halkara söwdasyny ýola goýdy, diýip ORIENT agentligi habar berýär. Mundan başga-da, bu internet platformasynda Türkmenistanda öndürilen dokma önümleri, bezeg şaý-sepleri we milli öwüşginli sowgatlyklar satylar. Bu harytlaryň ählisi kompaniýanyň öz saýtynda hem elýeterlidir.
Alibaba.соm dünýäniň 190 ýurdunda elýeterli bolup, 160 milliondan gowrak müşderilere hyzmat edýär. Onuň jemi maýa dolanyşygy we ösüş depgini global marketpleýs üçin rekord derejä ýetdi. Bütin dünýäde meşhur bolan hytaý internet platformasyna türkmen halylarynyň çykarylmagy elektron söwdany ösdürmekde we halkara işewürlik hyzmatdaşlygyny ilerletmekde möhüm ädim boldy.