Ejegözel Hudaýberdiýewa — Aşgabat şäherindäki 1-nji Saglyk öýüniň onkolog-lukmany «2019-njy ýylyň iň gowy lukmany» bäsleşiginiň ýeňijisi boldy, bu barada «Нейтральный Туркменистан» gazeti habar berýär.
Aşgabat şäherinde ýerleşýän 11-nji Saglyk öýünde «2019-njy ýylyň iň gowy lukmany» bäsleşiginiň jemleýji tapgyry geçirildi. Bäsleşik Saglygy goraýyş we derman senagaty işgärleriniň güni mynasybetli Türkmenistanyň Kärdeşler Arkalaşyklarynyň Milli merkezi, Türkmenistanyň Saglygy goraýyş we derman senagaty ministrligi tarapyndan gurnaldy.
Etraplarda, Aşgabatda we welaýatlarda deslapky tapgyrlarda ýeňiji bolan gatnaşyjylar bäsleşigiň jemleýji tapgyrynda lukmanlara mahsus bolan ýokary hünär başarnyklaryny emin agzalaryna görkezdiler. Türkmenistandan döredilen saglygy goraýyş ulgamy lukmanlara we orta hünärli lukmançylyk işgärlerine hünär başarnyklaryny ep-esli derejede ýokarlandyrmaga mümkinçilik berdi. Bu ilkinji nobatda saglygy goraýyş edaralarynyň maddy enjamlaýyn binýadyny döwrebaplaşdyrylmagynyň hasabyna amala aşyryldy.
«2019-njy ýylyň iň gowy lukmany» bäsleşiginiň ýeňijisi Ejegözel Hudaýberdiýewa Türkmenistanyň Kärdeşler Arkalaşyklarynyň Milli merkeziniň we Türkmenistanyň Saglygy goraýyş we derman senagaty ministrligiň Hormat haty we gymmatbahaly sowgatlary bilen sylaglandy.
«2019-njy ýylyň iň gowy lukmany» bäsleşiginiň ýeňijisi yglan edildi
- 18.07.2019 07:18
- 11k+
