Türkmenistanda biznes täzelikleri boýunça websaýt hereket edip başlady

Türkmenistanda biznes habarlaryny 3 dilde — türkmen, iňlis we rus dillerinde berýän "Biznes Türkmenistan" maglumat merkezi websaýty hereket edip başlady. Redaksiýasy Aşgabat şäherinde ýerleşýän websaýt biznes habarlaryny gündelik ýagdaýda täzeläp durýar.
2019-njy ýylda döredilen “Biznes Türkmenistan” (BT) Türkmenistanda resmi ýagdaýda hasaba alnan täjirçilik habarlary we maglumat hyzmatlary boýunça websaýt bolup, okyjylaryny ýola düşen kompaniýalary, täze döredilen kompaniýalary, maýa goýujylary, telekeçileri, importçylary, eksportçylary we sarp edijileri dürli ugurdaky habarlar, maglumatlar we ideýalar boýunça işjeň aragatnaşyga birikdirýär.
«BT» žurnalistler, redaktorlar, bilermenler, hukukçylar, wideo operatorlar we fotosuratçylar bilen aragatnaşyk saklap, olaryň maslahatlaryny alyp durýar. “Biznes Türkmenistanyň” habar we maglumat hyzmatlary giň gerimli ugurlary, şol sanda hususy eýeçilik, önümçilik senagaty, oba hojalygy, energetika, gurluşyk, ulag, aragatnaşyk, tehnologiýa, söwda, hyzmatlar pudagy, bank we maliýe, tender bäsleşikleri we birža kwotalary ýaly mowzuklary öz içine alýar.
Saýtda şeýle hem marketing hünärmenleri sargyt edijiler bilen ýakyndan işleşip, olaryň biznes talaplaryna görä mahabat toplumyny düzýärler.
"Biznes Türkmenistan" barada has giň maglumaty www.biznes.com.tm websaýtyndan alyp bilersiňiz.